MMJ08-114
Ons is baie opgewonde oor die bul MMJ08-114 wat ons aangekoop het van Dr. Wynand Basson van Standerton. 114 het goed gebalanseerde teelwaardes en is geteel uit ‘n fantastiese koei. Sy moeder MMJ97-214 het reeds 11 kalwers in 13 jaar gehad met ‘n TKP van 364 en ‘n Reproduksie indeks van 112.  Sy vaar MMJ03-164 het geen bekendstelling nodig nie.

Alhoewel MMJ08-114 net twee jaar oud was op die veiling toon hy reeds baie potensiaal as teelbul. Met goedgevormde testes, goeie toplyn, uitstaande bespiering en breedte (om net ‘n paar kenmerke te noem) glo ons dat die bul vir ons goed sal teel. Hy is reeds ingespan tussen van die beste koeie in die kudde.
 

AG98-338
Dié bul het geen bekendstelling nodig nie. AG98-338 is in 2006 verkoop aan JAY-EL Bonsmaras, Dr. Joggie Briedenhann, Neil Rissik en Dawid Visser vir die rekordbedrag van R800 000. Hy teel fantasties en ons het hom swaar in ons teelprogram gebruik. Ons het in die afgelope vyf jaar selde indien enige ander bul raakgeloop wat die erfdwang het van 338. Die bul teel uitsonderlike goed gedifinieerde bespeiring.
   

AG04-310
Ons het AG04-310, ‘n halfbroer van AG03-256 aangekoop in 2007. Sy vaar AG02-251, ‘n seun van AG98-338 is welbekend in Bonsmara kringe. 310 is ‘n strek vleisbul met goeie diepte en ons gebruik hom tans sterk in die kudde d.m.v. natuurlike decking sowel as K.I.

RCO98-037
RCO98-037 is ‘n bul wat goeie breedte en geharde diere teel. Op die rype ouderdom van 12 jaar lyk hy steeds indrukwekkend met die libido van ‘n twee jaar oue bul. Sy seuns is besig om groot naam te maak in verskeie kuddes in die Republiek sowel as naburige Namibië.
 

BHE03-083
‘n Seun van RCO98-037 uit ‘n indrukwekkende koei wat ons op Fotress se uitverkopingsveiling in 2006 gekoop het. Ons is een van enkele telers tans in besit van semen van BHE03-083. Die bul is volgens sy teler Burkhard Hermann van Frankfort om aan te haal “Waarskynlik een van die hoogste kwaliteit bulle wat FORTRESS nog geteel het” (Fortress Nuus, 2006). Ons is oortuig dat dat 83 in die toekoms nog ‘n groot impak op die ras kan maak.
 

AG03-029
Die bul is defintief ‘n voorbeeld van ‘n bul met amper foutlose bouvorm. Ons is van plan om 29 meer intensief te gebruik in ons toekomstige teelprogram.

AG03-256
AG03-256 is verkoop vir die tweede hoogste prys wat nog behaal is in die Bonsmara ras naamlik R625 000. Hy is geteel uit AG98-338 en AG93-063 wat ‘n hoogs vrugbare koei is. Ons het die ELITE status produserende koei in 2006 aangekoop. Op die ouderdom van 17 produseer sy steeds top kalwers. AG03-256 se eerste kalwers sal in 2010 gebore word. Ons sien uit daarna om meer van die bul gebruik te maak in die komende dekseisoen.

MMJ03-164
MMJ03-164 is sekerlike een van die dikste seuns wat RCO98-037 nog geteel het. Ons het 164 in ons K.I. en embrio-spoelprogramme gebruik en sy kalwers word net beter en beter. Hy kom uit een van Dr. Wynand Basson se beste moederlyne. Ons is bevoorreg om een van min telers te wee swat ‘n saad-aandeel bekom het in die bul wat heel gepas bekendstaan as “Dikgat”. Die bul is ongelukkig dood in 2010 maar ons het tans meer as 2000 strooitjies semen. Wees maar op die uitkyk vir die bul se nageslag in die jare wat kom.
 

 

MMJ03-204
MMJ03-204 is seker een van die bulle met die beste bouvorm wat ons al in ons kudde gebruik het. Die bul het diepte, lengte en baie breedte wat hy oordra na sy nageslag. Ons sal sy eerste seuns in 2012 op ons produksieveiling aanbied.  Hy het uitstaande kalwers geteel in ons embrio-spoelprogam. MMJ03-204 het vir een seisoen by ons beste trop bulmoeders geloop, so ons kan met rede opgewonde wees oor die toekomstige rol wat sy nageslag in ons kudde sowel as die ras sal speel.
 

 

AG05-263
AG05-263 is ‘n bul wat ons al vir ‘n paar jaar met belangstelling dop gehou het. Ons was bevoorreg om 263 te kon koop in 2011 met Paul Mare’ en Cornay Botma as mede-aandeelhouers. Die bul se moeder is ook een van die bulmoeders in ons elite kudde. Soos die foto duidelik toon is die bul so lank soos ‘n trein. Sy vaar AG03-256 is ook een van die bulle wat ons in ons KI program gebruik. AG05-263 het baie goeie bespiering wat hy oordra na sy nageslag.

 
MMJ04-105
MMJ04-105 is ons spesialis versbul. Die bul het baie gewenste BLUP-waardes vir geboorte maar het nietemin steeds goeie breedte, diepte en donker pigment. 105 Teel vroegryp mediumraam diere en is onverwant aan die meeste gevestigde bloedlyne in die kudde, dus maak dit van hom ‘n waardevolle skakel in ons teel ketting.