PIESANGS
Piesangs is die hoofgewas wat regdeur die jaar verbou word in Komatipoort. Die totale produksie word plaaslik bemark onder die bekende Lebombo handelsmerk. Organies sowel as konvensionele piesangs word verbou en landswyd bemark.

SITRUS EN MANGOS
Pomelos (Star Ruby, Rosé en Marsh), Turkey Valencia lemoene en lemmetjies word verbou en internasionaal sowel as plaaslik bemark. Mangos word uitgevoer na Europa en die plaaslike markte word ook voorsien. ‘n Gedeelte van die mango-oes  word ook na ‘n sapfabriek op Malelane gestuur vir verwerking.

SUIKERRIET
Suikerriet word ge-oes en geprosesseer by die TSB suikermeule naby Komatipoort.

GRANATE, VYE EN DRAGON FRUIT
Die subtropiese klimaat in Komatipoort is ideal vir die verbouing van granate en dragon fruit. Vye word verbou in Vrede in die Vrystaat. Die maatskappy het ook ‘n 50% belang in ‘n grootskaalse vye ontwikkeling naby Napier in die Weskaap.

GROENTE
Die maatskappy het onlangs met die verbouing van groente begin. Tamaties, spanspek, groenbone en groenrissies is van die vernaamste groente gewasse wat op die plaaslike markte verkoop word.

LITCHIES
Litchies word op die plaaslike markte verkoop.   

VLEISBEESTE
Die maatskappy boer sedert 2003 met vleisbeeste in die Oos Vrystaatse areas van Vrede en Memel. Die fokus is op die teel van hoë kwaliteit aangepaste Bonsmara beeste. ‘n Jaarlikse bulveiling word in Julie aangebied asook ‘n jaarlikse kommersiële vroulike dier veiling wat gehou word in Februarie.

HOOI EN AANGEPLANTE WEIDINGS
Eragrostis Curvula (Oulandsgras) gras word bemes en gebaal om die ruvoer tekorte in die winter aan te vul. Saaiboerdery is gestaak in 2009 en die onbewerkte lande word gevestig met ‘n Smutsvingergras en Lusern mengsel.

KONDISIONERING VAN SPEENKALWERS
Kalwers word “ge-background” met die doel om hulle voor te berei vir die voerkraalmark op besproeide meerjarige raaigras weidings. Die doel van die afdeling is om inkomstes uit die vleisbeesvertakking te verhoog en waarde toe te voeg.
Foto 1  •  Foto 2  •  Foto 3  •  Foto 4